Rasool ﷺ aur Hazrat Ayesha رضی اللہ عنہا ki Qurbani

Rasool ﷺ aur Hazrat Ayesha رضی اللہ عنہا ki

Qurbani | Dil Ko Choone Wala Waqia

"Yeh Eid ul Adha ki woh mubarak subah thi jab sooraj apni narm aur paak saaf kirnon ke saath poorab ke aasmaan se nikal raha tha. Yeh sirf roshni nahin thi balki Allah ki rehmat ka noor tha jo Madina ki paak sar zameen par phail kar har gali, har mohallay, har ghar ko roshan kar raha tha. Madina ki fizaon mein aik ajeeb si roohaniyat thi. Har taraf se 'Allahu Akbar, Allahu Akbar, La ilaha illallah wallahu Akbar, Allahu Akbar wa lillahil hamd' ki sadaayein goonj rahi thin. Bachay, boodhay, jawaan, auratain, mard — sab ke dilon mein aik ajeeb si kaifiyat thi. Aaj ka din wohi tha jab har Musalmaan Hazrat Ibrahim (A.S) ki qurbani ko yaad karte hue khud ko bhi qurbani ke liye tayyar kar raha tha. Isi noorani subah jab Fajr ki azaan ki awaaz Madina ki galiyon mein goonj chuki thi, Nabi-e-Paak ﷺ ki mubarak aankh khuli. Aap ne apne hujray mein narmee se uth kar bistar chhoda. Aapke chehre par neend ki shanti aur taazgi thi, lekin dil mein aaj ke din ki barkaton ke liye Allah ka shukr bhi maujood tha. Is waqt aapki biwi Hazrat Aisha (R.A) bhi jaag rahi thin. Unhon ne baray adab se kaha: 'Assalam Alaika Ya Rasool Allah' aur aap ke liye wuzu ka paani rakh diya. Hazrat Aisha (R.A) baad mein bayan karti hain ke aaj ke din Nabi ka chehra aisa chamak raha tha jaise chandni raat ho. Aapki aankhon mein aik aisa noor tha jo bas isi din nazar aata tha — Eid ki subah ka noor. Wuzu ke baad aap ne thodi dair ibadat ki. Aapki duaaon mein aaj ke din ki qabooliyat, ummat ki maghfirat, aur tamaam Musalmanon ki bhalai ki duaa thi. Aap ne yeh khaas duaa maangi: 'Allahumma taqabbal minna wa min jami'il Mu'mineen' — 'Aye Allah! Hum se aur tamaam momineen se qabool farma.' Hazrat Aisha (R.A) us waqt aap ke liye Eid ke khaas kapray nikaal rahi thin — safaid, paak aur khushbudar kapray. Jab woh kapray aapko de rahi thin to unke haath khushi aur mohabbat se kaanp rahe thay. Unhein pata tha ke aaj unke shohar hazaaron logon ke samne imaamat farmaayenge. Kapray pehnne ke baad aap ne safaid ‘amaama’ baandha, phir kanghi ki aur miswak ki. Yeh Nabi ki aadat thi ke Eid ke din khud ko achhi tarah sanwaarte thay. Hazrat Aisha (R.A) ne aakhri baar mohabbat bhari nazar se aapko dekha aur dil mein kaha: 'Ya Rasool Allah, aap Allah ke hukm par ja rahe hain. Allah aapki hifazat kare.' Hujray se baahir qadam rakha — aur Madina ki galiyon ka istiqbaal. Jab aap darwaazay se baahir aaye to subah ki pehli kiran aapke chehre par padi. Woh chamak jo aasmaan ki roshni se zyada thi, aapke chehre se zahir ho rahi thi. Jaise hi aap ne qadam Madina ki galiyon mein rakha, aisa laga jaise har deewar, har pathar, har gali aapko salaam kar rahi ho. Raaste mein chhote bachay adab se salaam kar rahe thay, boodhay nazrein jhukaaye hue thay, aur Sahaba (R.A) kharay ho kar muskurah rahe thay. Woh keh rahe thay: 'Yeh hain hamaray Nabi, yeh hain hamaray rehbar — jin par hum jaan bhi qurbaan kar dein.' Madina ki roohani hawaayein halki-halki chal rahi thin. In hawaon mein Allah ki rehmat jaise beh rahi ho. Har saans mein sukoon, har gali mein noor, aur har ghar jaise dheere se takbeer padh raha ho. Yeh Eid ul Adha ki subah thi. Parindon ki chahchahaht bhi jaise..."Allahu Akbar ke nazm mein shaamil ho gayi ho, dilo mein ek sukoon, ek khushi aur ek pakeeza roohaniyat thi. Aur phir Nabi-e-Akram ﷺ apne dil mein Allah ki mohabbat aur ummat ki fikr liye Masjid-e-Nabwi ki jaanib rawana hue.

Raaste mein log aapke saath chalne lage. Koi takbeer padh raha tha, koi durood shareef, aur kuch bas aapko dekh kar khoye hue thay. Masjid mein hazaron Sahaba safon mein kharay thay, har aankh aapko dekh rahi thi.

Aapne safen durust karayi, sabko mohabbat bhari nazar se dekha, aur phir takbeer-e-tahreema buland ki: "Allahu Akbar, Allahu Akbar, La ilaha illallah wallahu Akbar, Allahu Akbar wa lillahil hamd." Yeh awaaz sirf masjid tak nahi, poore Madina ki galiyon tak pahunchee.

Auratein gharon mein dua kar rahi thin, bachay muskurah rahe thay. Namaz mukammal hui. Phir woh lamha aaya jiska intezar aasmaan ke farishte bhi kar rahe thay — qurbani ka lamha.

Aap ghar lautay. Thodi hi der mein do safed, mazboot, khoobsurat aur sehatmand mendhay darwazay par laye gaye. Yeh wahi janwar thay jinhein aapne khud chuna tha — ek apni taraf se aur ek us ummat ki taraf se jo qurbani ki taaqat nahi rakhti.

Aapne Hazrat Aisha (R.A) se farmaya: "Aey Aisha, chhuri lao." Phir farmaya: "Ise pathar par tez kar lo." Phir aapne janwaron ko zameen par litaya, aasman ki taraf chehra uthaya aur kaha: "Bismillah, wallahu Akbar! Ya Allah, yeh qurbani meri taraf se hai."

Phir ruke aur farmaya: "Aur yeh doosri qurbani meri us ummat ki taraf se hai jo qurbani nahi kar sakti." Yeh jumla kehne ke baad Nabi-e-Akram ﷺ ki aankhen nam ho gayin, aur chehra-e-anwar noor se chamak utha.

Yeh manzar koi aam mazhabi rasam nahi tha, balki yeh us qurbani ki haqeeqi rooh, sacchi niyyat, aur ummat se aap ﷺ ki be-misaal mohabbat ka zahiri izhaar tha. Aap ﷺ ne qurbani ke amal ko poori tawajju, ikhlas aur jeeti jaagti shirkat ke saath ada farmaya.

Aapne yeh amal kisi numainda se nahi karwaya, balki apne mubarak haathon se anjaam diya — jo humein batata hai ke ibadat ki rooh kya hai: dil se, niyyat ke saath, aur sirf Allah ki raza ke liye.

Qurbani ke is amal mein aap ﷺ ka andaaz nihayat saada, hikmat se bharpoor aur ikhlas se labraiz tha. Aap janwar ko har-giz takleef nahi dete. Chhuri ko tez karte, aur janwar ko pur-sukoon tareeqay se litate.

Yeh sab taleemaat humein aapki sunnat se hasil hoti hain. Aap ﷺ ne farmaya: “Allah Ta’ala har kaam mein ihsaan ko pasand karta hai. Lihaza jab tum zabah karo to achay tareeqay se karo.”

Nabi Kareem ﷺ ne Hazrat Aisha (R.A) ko hidaayat di ke apni qurbani ka gosht teen hisson mein taqseem karein — ek hissa apne liye, doosra rishtedaron aur doston ke liye, aur teesra gareebon aur zaruratmandon ke liye.

Aap ﷺ ne farmaya: “Qurbani ke har baal ke badle ek neki milti hai.” Namaz aur qurbani ka woh marhala mukammal ho chuka tha.

Madina Munawwara ki fizaon mein ab bhi takbeeraat ki sadaayein goonj rahi thin. Log apne gharon ko laut rahe thay.

Inhi lamhon mein ek Sahabi (R.A) ke dil mein ek khaas jazba jaaga. Dil mein ek tamanna thi, ek khwahish — ke woh Rahmat-e-Do Aalam ﷺ ko apne ghar dawat par bulayein, unki mehmaan-nawazi karein, aur unke qadamom ki barkat se apna ghar roshan karein.

Woh foran ghar ki jaanib rawana hue. Chehre par roshni, aankhon mein noor, aur dil mein ek azeem iraada. Biwi ko dekha aur khushi se bole: “Aaj main Allah ke Rasool ﷺ ko apne ghar dawat dene ka iraada rakhta hoon. Yeh hamare liye duniya aur aakhirat ki sabse badi ne'mat hogi.”

Biwi ke chehre par bhi roshni phail gayi. Boli: “Subhan Allah! Zaroor bulaayiye — yeh hamari izzat hogi. Main khana tayyar karti hoon.”

Sahabi (R.A) ne foran chhuri uthai aur ghar ki ek bakri ko zabah kar diya. Biwi ne gosht pakaya, behtareen masalay istemaal kiye, mohabbat aur adab se khana choolhay par chadha diya.

Phir shauhar se kaha: “Aap jaaiye — Huzoor ﷺ ko le aayiye. Main tab tak sab tayyar kar leti hoon.”

Magar us pur-sukoon ghar mein ek masoom haadsa janam lene wala tha… Unke do chhotay betay ghar mein khel rahe thay — ek taqreeban 3 baras ka, aur doosra us se 2 saal bara.

Baday betay ne abba ko bakri zabah karte dekha tha...Masoom zehan mein ek khayal aaya: kya main bhi aisa kar sakta hoon?

Abba ke jaate hi usne chhuri uthai, chhote bhai ko bulaya aur bola: "Aao, main tumhein dikhata hoon Abba ne kaise kiya."
Uske dil mein koi badi nahi thi, bas woh manzar dohrana chahta tha.
Lekin jaise hi usne chhuri gardan par phairi, woh lamha qayamat ban gaya.
Khoon ka fawwara chhuta, chhota bachcha cheekha aur zameen par gir pada.
Ammi khaana bana rahi thi, cheekh sunkar daudi.
Manzar dekha to zameen unke paon se nikal gayi.
Chhota beta khoon mein lathpath pada tha, aur bada beta haath mein chhuri liye sehma khada tha.
Ammi ki cheekhein aasmaan tak chali gayi.
Gham, bebasi aur sadma us par ghalib aa gaya.
Bada beta dar kar bhaaga aur chhat ki taraf gaya.
Paaon fisla aur woh bhi neeche gir kar apni jaan se chala gaya.

Ab woh maa jo abhi Allah ke Rasool ﷺ ki dawat ke liye khaana paka rahi thi,

Apne dono beton ki laashon ke darmiyan khadi thi.
Magar kya ajeeb maa thi... aansu ponchhe, dil ko thaama aur kaha:
"Ya Allah, maine apne bachchon ko tere hawaale kiya,
Magar tere Nabi ﷺ ki mehmaan-nawazi mein koi kami na hone doongi."
Laashon ko doosre kamre mein rakha gaya, darwaza band kiya gaya,
Aur choolha phir se jala diya gaya.

Yeh sabr ka woh manzar tha jo tareekh mein bohot kam dekha gaya hai.

Kuch hi der baad darwaze par dastak hui.
Shohar Hazrat Nabi Kareem ﷺ ke saath khada tha.
Wohi noorani chehra, wohi jalaal jo jannat ke manzaron se bhi barh kar tha.
Hazrat Nabi Kareem ﷺ ke chehre se aisa noor jhalak raha tha
Jaise hazaron chiraag ek saath roshan ho gaye hoon.

Hazrat Nabi Kareem ﷺ ko badi adab aur izzat ke saath andar bulaya gaya.

Kamra saada tha, zameen par chattai bichhi hui thi,
Lekin dil mohabbat, aqeedat aur imaan se labrez tha.
Ghar ki har deewar, har kona aisa lag raha tha
Jaise aap ﷺ ke istaqbaal mein sajda rez ho gaya ho.

Biwi ne shohar ko ishaare se bulaya

Aur use ek taraf le jaakar dheere se uske kaanon mein woh saara dardnaak waaqia sunane lagi.
Jaise-jaise woh tafseel bayan karti ja rahi thi,
Shohar ki aankhon mein aansu aa rahe the,
Magar chehre par sabr ke asaar saaf nazar aa rahe the.

Woh kehne laga:

"Yeh hamari aazmaish hai.
Hamara gham baad mein, pehle aapki khidmat.
Allah Ta'ala ne jo diya tha woh wapas le liya.
Hum uski marzi ke aage sar jhuka dete hain."

Yeh imaan aur sabr ka woh manzar tha

Jise dekhkar aasman ke farishte bhi hairaan reh gaye.

Dastarkhwan par khaana rakha gaya,

Wohi khaana jo us maa ne apne dono beton ki maut ke baad bhi sabr aur hoslay se tayar kiya tha.
Har luqme mein mohabbat thi, har zayke mein ikhlaas tha,
Aur har rang mein Hazrat Nabi Kareem ﷺ ki azmat ka ehteram.

Hazrat Nabi Kareem ﷺ ne "Bismillah" kaha jaise ke aap ka maamool tha,

Lekin hairat ki baat yeh thi ke aap ne khaane ko haath nahi lagaya.
Aap ﷺ khaamosh baithe rahe, jaise kisi intezaar mein hoon.
Gharwale pareshan ho gaye.
Kya khaane mein koi kami hai?
Kya koi ghalti ho gayi hai?
Lekin adab ki wajah se koi kuch poochhne ki jurrat nahi kar saka.

Achanak ghar ki fiza mein ek ajeeb sukoon chha gaya.

Hawa tham gayi, darakhton ke patte girna ruk gaye,
Parinday bhi khaamosh ho gaye.

Yeh woh lamha tha jab Hazrat Jibreel عليه السلام naazil hue.

Hazrat Jibreel ने arz kiya:
"Ya Rasool Allah ﷺ, Allah Ta’ala ka hukm hai
Ke is khaane ko us waqt tak na chheda jaye
Jab tak mehmaan ke dono bete aakar aapke saath na baith jayein."

Allah Ta’ala ne apne mehboob Rasool ﷺ ke zariye

Is ghar ke sabr aur imaan ko dekha
Aur ab uska inaam dene ka waqt aa gaya tha.

Hazrat Nabi Kareem ﷺ ne hairat se farmaya:

"Apne beton ko bulao."
Yeh sunkar shohar ki aankhon se aansu beh nikle,
Uska gala bhar aaya,
Aawaaz kaanp gayi
Aur woh mushkil se keh paya:
"Ya Rasool Allah ﷺ, woh dono ab is duniya mein nahi hain.
Woh Allah ko pyare ho gaye hain."

Maa jo ab tak sabr kar rahi thi,

Yeh sunkar bekabu ho gayi.
Uski aankhon se aansuon ka sailaab jaari ho gaya,
Lekin phir bhi woh Hazrat Nabi Kareem ﷺ ke saamne adab se khadi rahi.

Aap ﷺ ki aankhein bhi num ho gayi,

Chehre par rehmat aur shafqat ke asaar numayan ho gaye.
Aap ne apne dast-e-mubarak dua ke liye uthaye aur farmaya:

"Ya Allah, yeh tere nek banday hain.

Inhone tere mehboob ki khidmat mein
Apni sabse azeez cheezein qurbaan kar di.
Apna gham chhupaya
Aur tere Rasool ko tawajjo di.
Ae Rabb-ul-Aalameen,
In bachchon ko dobara zindagi ata farma."

Yeh dua abhi poori bhi nahi hui thi

Ke Allah Ta’ala ki lashumaar qudrat ka jalwa zaahir hua.
Kamray mein maujood har shakhs ne mehsoos kiya
Jaise zameen kaanp rahi ho, aasman jhuk raha ho
Aur farishte sajde mein gir rahe ho.

Achanak doosre kamre se awaaz aayi –

Pehle ek bachche ki, phir doosre ki.
Dono bachche uth baithe, jaise gehri neend se jaage hoon.
Unke chehron par koi takleef ya zakhm ka nishaan nahi tha.
Woh bilkul sahi salamat the, jaise kuch hua hi na ho.

Maa-baap daud kar bachchon ke paas gaye,

Unhein galay lagaya, chuma
Aur sajda-e-shukr mein gir pade.

Yeh woh lamha tha

Jab zameen aur aasman ki koi khushi is khushi ke barabar nahi thi.

Hazrat Nabi Kareem ﷺ ne mohabbat bhari aawaaz mein farmaya:

"Aao mere beton,
Aaj hum sab milkar khaana khayenge."
Aap ne un bachchon ko apne paas bithaya,
Unke saron par shafqat se haath phera
Aur apne mubarak haathon se unhein khaana khilaya.

Woh bachche jo thodi der pehle maut ki aagosh mein the,

Ab Nabi ﷺ ki mohabbat mein khel rahe the.
Usool raha hai ke Qurbani sirf jaanwar ki gardan par chhuri chalane ka naam nahin hai.
Yeh apne andar ki buri khwahishon ko, takabbur ko, nafrat ko aur ana ko qurbaan karne ka naam hai.

Hazrat Nabi Kareem ﷺ ne humein sikhaya:

Agar koi cheez Allah ki raah mein qurbaan ki jaaye to woh hargiz zaya nahi jaati,
balki wahi amal qubooliyat, maghfirat aur buland darjaat ka zariya ban jaata hai.

Allah ka kalaam hai:

"Allah ko na unka gosht pahunchta hai, na unka khoon;
balki uski baargaah tak tumhara taqwa pahunchta hai."

38 hadees-e-mubarak aur amli paighaam Hazrat Nabi Kareem ﷺ ne irshaad farmaaya:

"Qurbani ke din Allah ke nazdeek koi amal us khoon bahaane se zyada mehboob nahi
jo sirf uski raza ke liye ho."

Yeh hadees ek taraf qurbani ki ahmiyat batati hai

aur doosri taraf yeh bhi zaahir karti hai ke sirf zaahiri amal nahi,
balki dil ka haal bhi Allah ki baargaah mein maayne rakhta hai.

To aaiye...

Is Eid-ul-Adha par hum sirf jaanwar ki qurbani na karein,
balki apne andar ke shaitanon ko bhi qurbaan karein –

Nafrat ke saans,

Hasad ke kaante,

Takabbur ke khanjar,

Jhoot ki talwaarein,

Zulm ki aag.

Sooraj aasmaan mein ho ya rooh mein ujala chaa jaaye –

Hazrat Nabi Kareem ﷺ ki seerat se seekhein ke:

Gareebon ko nazarandaz na karein,

Balki unhein yaad rakhein,

Yateemon ko gale lagaayein, unka dard baanthein,

Rishton ko jodein, na ke todein,

Mohtaajon aur zaruratmandon ki madad karein.

Qurbani ko sirf gosht taqseem karne ki rasm na banne dein,